الفرق بين الحياه فى غزة وسنغافوره

الحياة في غزة أجمل من الحياة في سنغافورة لأسباب كثيرة




في غزة تستطيع أن تسير في شارع السيارات وأنت مغمض عينيك وبتكلم جوال كمان ..... فهل يستطيع فعل دلك أهل سنغافورة؟؟؟؟؟

الحرامية عنا في غزة اعتزلوا مهنة السرقة يعني أمان مش طبيعي عنا لأنه ما في عنا حاجة تنسرق أصلا .... فهل أهل سنغافورة يعيشون هدا الأمان الدي يعيشه أهل غزة ؟؟؟؟

الكهرب عنا بتقطع كتير وتعودنا على قطعت الكهرب وادا ما قطعت الكهرب بنحكي ليش ما قطعت الكهرب اليوم ؟؟
فهل يستطيع أهل سنغافورة تحمل انقطاع التيار الكهربي لأكثر من 10 دقائق مثلنا في غزة ؟؟؟؟؟

الواحد بيدخل البقالة وفي جيبه 10 شيقل وبيطلع وبرضو في جيبه 10 شيقل لأنه ما لقى شي يشتريه ؟؟؟
فأنا أتحداكم أن يدخل شخص في سنغافورة بمبلغ من المال الى بقالة ويخرج بنفس المبلغ الدي دخل فيه دون أن ينقص.........

محطات البترول عنا مكيفة منعنشة ... يعني السيارات طوابير ومش ملاحقين يعبولهم وقود ..... فهل في سنغافورة يوجد محطة بترول فارغة من الوقود متل عنا من كتر الزباين ؟؟؟؟؟؟

حتى محلات الملابس من كتر الزباين والبيع مش ضايل عندهم بضاعة ..... فهل يوجد في سنغافورة محل ملابس زي هيك ؟؟؟؟؟؟؟

الموظفين عنا ماخدين اجازة غير محسوبة ومفتوحة من مدة أسبوع وقاعدين في البيت مساعد قاعد......فهل يستطيع الموظف في سنغافورة أن يتغيب عن الدوام دون أن يطلب إجازة من مديره في العمل؟؟؟؟؟؟

طبعا في حال وجود وقود للسيارات تستطيع أن تتجول في قطاع غزة من الجنوب الى الشمال ومن الشرق الى الغرب في مدة لا تتجاوز الساعتين ...... ولكن في سنغافورة ادا أردت أن تتجول فيها فيلزمك الكثير من الوقت ....

عندما يأتي الطفل الى والده طالبا منه أن يشتري له ألعاب فيرد عليه بكل فخر وسرور لا يوجد في البلد أكل كيف بدي أجيبلك ألعاب ...... فهل أهل سنغافورة يستطيعون رفض طلبات أطفالهم والتوفير على أنفسهم زي عنا ؟؟؟؟؟؟
واجمل واروع شي هو ساحات الجهاد والمقاومة والعز والفخار طبعا



وأكيد في أشياء أكتر من هيك أنا غفلت عنها ..... والباقي عندكم





................